Ommaviy oferta
Sayqalchi xizmatini sotib olish shartlari — qisqa va aniq.
Bu hujjat sayqalchi.uz saytida «Sotib olish» tugmasini bosib to'lov qilgan har bir xaridor bilan tuziladigan shartnoma. To'lov qilish — shu shartlarga rozilik.
1. Sotuvchi
Hafizov Shohbek, yakka tartibdagi tadbirkor, O'zbekiston. Aloqa: @sayqalchi_support (Telegram).
2. Nima sotiladi
Sayqalchi — sun’iy intellekt uchun yoziladigan so'rovlarni (promptlarni) baholaydigan va qayta yozadigan xizmat: sayqalchi.uz sayti va ChatGPT, Claude, Gemini sahifalarida ishlaydigan Chrome kengaytmasi.
- Yangi xaridlar: $2.49 / bir kalendar oy. Har oy Click orqali o‘zingiz uzaytirasiz. Kartadan avtomatik pul yechilmaydi.
- Faol Premium muddati davomida baholash va qayta yozish soni cheklanmagan — saytda ham, kengaytmada ham.
- Bitta kalit 3 tagacha kompyuterda ishlaydi. Kabinetda qurilmalarni o'zingiz tozalab, yangisiga o'tishingiz mumkin.
- Yangilanishlar va e’lon qilingan kelajak funksiyalar chiqqach faol tarifga qo‘shimcha to‘lovsiz kiradi. Kelajak funksiyalarining chiqish sanasi kafolatlanmaydi. Avval bir martalik to‘lov bilan olingan muddatsiz kalitlar o‘z shartlarini saqlaydi.
3. Narx va to'lov
Tarif $2.49 / oy, hisob-kitob Click orqali so‘mda. Summa O‘zbekiston Markaziy bankining ko‘rsatilgan sanadagi USD kursi asosida hisoblanib, eng yaqin butun so‘mga yaxlitlanadi. Yakuniy summa, kurs va sanasi to‘lovdan oldin ko‘rsatiladi va buyurtma uchun saqlanadi. Karta ma’lumotlari faqat Click tomonida qayta ishlanadi; bizga kelmaydi. Click’ga buyurtma kodi, summa va ismingiz uzatiladi.
4. Yetkazib berish
Mahsulot raqamli. To‘lov tasdiqlangach kalit va muddat buyurtma sahifasida hamda kabinetda chiqadi. Faol obunani uzaytirish qolgan muddatga bir kalendar oy qo‘shadi; muddati tugagan bo‘lsa, yangi oy to‘lovdan boshlanadi. Keyingi oyda shu sana bo‘lmasa, oyning oxirgi kuni olinadi. Muddati tugagach Premium to‘xtaydi. Davom ettirish uchun kabinetdan qayta to‘lang; avtomatik yechish bo‘lmagani uchun alohida bekor qilish talab etilmaydi.
5. Texnik talablar
Kengaytma kompyuterdagi Chrome yoki Edge brauzerida ishlaydi. Telefon va planshetda ishlamaydi. Sayt zamonaviy brauzerlarda ochiladi. Chrome Web Store’dan o‘rnatish yo‘riqnomasi shu yerda.
6. Qaytarish — 3 kunlik kafolat
To‘lovdan keyin 3 kun ichida xizmat yoqmasa, @sayqalchi_support ga buyurtma kodingiz bilan yozing — sababini so‘ramaymiz. Pul Click orqali o‘sha to‘lov manbaiga qaytariladi (Click muddatlariga ko‘ra). Qaytarilgan to‘lov bergan foydalanish muddati olib tashlanadi; oldingi boshqa to‘lovlaringiz bo‘yicha qolgan muddat saqlanadi.
7. Ishlatish qoidalari
- Kalit shaxsiy. Uni sotish, tarqatish yoki 3 tadan ortiq qurilmada ishlatish taqiqlanadi — bunday kalit bloklanishi mumkin.
- Xizmatni skript yoki bot bilan avtomatik chaqirish taqiqlanadi.
- Qonunga zid maqsadlarda ishlatish taqiqlanadi.
8. Sun’iy intellekt va natija
Baholash va qayta yozishni sun'iy intellekt bajaradi. Natija — tavsiya, kafolatlangan sifat emas. Muhim matnni o'zingiz tekshirib chiqing. Ma'lumot qanday qayta ishlanishi maxfiylik siyosatida.
9. Xizmat to'xtasa
Texnik nosozlik bo‘lsa, xizmatni iloji boricha tez tiklaymiz. Xizmat butunlay to‘xtatilsa, oylik tarifdagi foydalanilmagan oldindan to‘langan davrlar uchun pul qaytariladi. Avvalgi muddatsiz xaridlar bo‘yicha xarid paytidagi qaytarish shartlari saqlanadi.
10. O'zgarishlar
Shartlar o‘zgarsa yuqoridagi sana yangilanadi. To‘langan davr uchun xarid paytidagi shartlar saqlanadi. Avvalgi bir martalik muddatsiz xaridlar oylik obunaga majburan o‘tkazilmaydi.