Ommaviy oferta
Sayqalchi xizmatini sotib olish shartlari — qisqa va aniq.
Bu hujjat sayqalchi.uz saytida «Sotib olish» tugmasini bosib to'lov qilgan har bir xaridor bilan tuziladigan shartnoma. To'lov qilish — shu shartlarga rozilik.
1. Sotuvchi
Hafizov Shohbek, yakka tartibdagi tadbirkor, O'zbekiston. Aloqa: @sayqalchi_support (Telegram).
2. Nima sotiladi
Sayqalchi — sun’iy intellekt uchun yoziladigan so'rovlarni (promptlarni) baholaydigan va qayta yozadigan xizmat: sayqalchi.uz sayti va ChatGPT, Claude, Gemini sahifalarida ishlaydigan Chrome kengaytmasi.
- Bir martalik to'lov, obuna yo'q, oylik to'lov yo'q.
- Baholash va qayta yozish soni cheklanmagan — saytda ham, kengaytmada ham.
- Bitta kalit 3 tagacha kompyuterda ishlaydi. Kabinetda qurilmalarni o'zingiz tozalab, yangisiga o'tishingiz mumkin.
- Yangilanishlar qo'shimcha to'lovsiz.
3. Narx va to'lov
Narx sotib olish sahifasida ko'rsatiladi (hozir 100 000 so'm). To'lov Click to'lov tizimi orqali. Karta ma’lumotlaringiz bizga kelmaydi — ular faqat Click tomonida qayta ishlanadi. Click’ga buyurtma kodi, summa va ismingiz uzatiladi.
4. Yetkazib berish
Mahsulot raqamli. To'lov o'tgan zahoti litsenziya kaliti ekranda (buyurtma holati sahifasida) chiqadi va hisobingizga kirgan bo'lsangiz kabinetda doim turadi. Odatda bir necha soniya.
5. Texnik talablar
Kengaytma kompyuterdagi Chrome yoki Edge brauzerida ishlaydi. Telefon va planshetda ishlamaydi. Sayt istalgan zamonaviy brauzerda ochiladi. Kengaytma hozircha Chrome Web Store’da emas — o'rnatish yo'riqnomasi shu yerda.
6. Qaytarish — 3 kunlik kafolat
To'lovdan keyin 3 kun ichida xizmat yoqmasa, @sayqalchi_support ga buyurtma kodingiz bilan yozing — sababini so'ramaymiz. Pul Click orqali o'sha to'lov manbaiga qaytariladi (Click muddatlariga ko'ra, odatda bir necha ish kuni). Qaytarilgach litsenziya kaliti bloklanadi.
7. Ishlatish qoidalari
- Kalit shaxsiy. Uni sotish, tarqatish yoki 3 tadan ortiq qurilmada ishlatish taqiqlanadi — bunday kalit bloklanishi mumkin.
- Xizmatni skript yoki bot bilan avtomatik chaqirish taqiqlanadi.
- Qonunga zid maqsadlarda ishlatish taqiqlanadi.
8. Sun’iy intellekt va natija
Baholash va qayta yozishni sun'iy intellekt bajaradi. Natija — tavsiya, kafolatlangan sifat emas. Muhim matnni o'zingiz tekshirib chiqing. Ma'lumot qanday qayta ishlanishi maxfiylik siyosatida.
9. Xizmat to'xtasa
Texnik nosozlik bo'lsa iloji boricha tez tiklaymiz. Xizmat butunlay to'xtatilsa, oxirgi 1 oy ichida sotib olganlarga to'lov qaytariladi.
10. O'zgarishlar
Shartlar o'zgarsa yuqoridagi sana yangilanadi. Sizga o'zgarishdan oldingi shartlar amal qiladi.